蘇麗珊儲夠彈藥 搵樓上車
藝人蘇麗珊憑一部青春勵志電影成功殺入娛樂圈，電影、廣告和商演不斷，令她收入大增，短時間內已儲夠「彈藥」準備「上車」。日前，她在朋友陪同下出動，到尖沙咀睇新樓盤示範單位，誓要「上車」做業主。
現年25歲、有「理大女神」之稱的蘇麗珊，憑2015年上映電影《哪一天我們會飛》中的清純女學生臉孔，成功入屋並在影壇大展拳腳，先後提名香港電影金像獎及台灣金馬獎「最佳新演員」，更一口氣接拍了多部電影作品，今年在港上映的三部賀歲電影亦有份演出，人氣旺盛！加上廣告代言和商演活動，出道不久的蘇麗珊已豬籠入水，計劃置業「上車」買樓，近日發現她四出睇盤誓要做業主！
尖沙咀睇示範單位
蘇麗珊繼早前入票土瓜灣新盤津匯失敗未能抽中後，未有打擊她「上車」的決心，不過，她已轉移目標對位於北角的新盤君譽峰甚有興趣，日前聯同母親和女友人浩浩蕩蕩到尖沙咀睇該樓盤的示範單位。當日蘇麗珊身穿長褸兼戴上頸巾，在兩名地產經紀陪同下在示範單位逗留了近一小時，離開時母女倆一起向地產經紀查詢詳情，再與同行女友人互相交換意見。未幾經紀向蘇麗珊表示將軍澳仍有兩個單位可提供睇樓，一行人便離開現場。
同阿媽住唔係結婚
記者聯絡蘇麗珊，問及是否睇樓揀心水樓盤上車？她笑說：「哈哈……仲睇緊呀！（係咪買樓結婚？）拉埋天窗就冇咁快啦，都係買個細單位自己同媽咪住，主要都係睇媽咪鍾唔鍾意。（喜歡北角個新樓盤？）想搵個適合嘅地方，所以都睇咗好多單位。」
文：專案組