亞姐復辦大媽有得諗

上月正式以OTT（Over The Top）模式復活的亞視，昨日在大埔總台舉行新春團拜，行政總裁吳雨、亞視老闆鴻鵠集團有限公司董事兼主席鄧俊杰、藝人朱慧敏及一眾台前幕後均有出席，當吳雨派利是時，現場人士蜂擁而上，加上舞獅助興，場面熱鬧。

韓國電影台開播

吳雨表示很高興參與亞視團拜，笑言派利是時衫都幾乎被扯甩，他希望亞視新一年愈做愈好，透露亞視4月將有韓國電影台開台，有200多套電影，並跟韓國CJ Entertainment、tvN及M Countdown合作，每星期又有最新韓劇播放，不排除會請韓星來港配合宣傳。他又透露將於今年復辦亞洲小姐競選，形式跟以往不同，有待公布及展開招募，更笑言之後再搞亞洲先生及大媽選舉。

秦芷瑤（左起）、李志剛和車車出席團拜。	亞視老闆鄧俊杰（左）和吳雨齊齊與財神合照。	吳雨派利是時，現場人士即蜂擁而上。

讚亞視有人情味

第一年參加亞視團拜的朱慧敏表示心情興奮：「喺呢度返咗工一個月，充滿人情味同正能量，例如上次我失聲，冇畀人怪罪，管理層、同事都好關心我，不停問候同鼓勵，大家士氣都好好。（叫高層加人工？）依家都幾好，當然希望公司愈做愈好賺大錢，公司自然會識做。」問新一年會否想行桃花運？她說：「聽朋友講去旺嘅地方同見到旺嘅人，如果有一棵好靚嘅桃花，就摘兩朵放入利是封再攝枕頭底，我見到旺嘅人就係鄺美雲，佢係咁叫我摘，但我冇摘到，費事大家摘晒，只係影咗相，我覺得功效一樣，身邊又有好多朋友教我點催旺桃花運。」

文：影視組