組合Super Girls隊長Aka趁農曆新年回到澳門拜年（扌豆）利是和玩煙花炮仗，但前日就樂極生悲致右腳腕燒傷，她憶述：「我同媽咪喺碼頭接財神，燒元寶嘅時候因為太大風，我又着咗條吊腳褲，就畀飛出嚟仲着緊火嘅紙片整到，起咗條疤同生水泡。」
她笑言爸爸用「古法」幫她治理：「其實只係燒紅咗支針，辣落去我啲表皮度，再撳晒啲膿出嚟。其實都幾痛，因為個傷口都幾多膿！」Aka表示因傷口還不能碰水，洗澡亦十分不便，現時有搽燙火膏，希望早日康復。
