譚嘉荃捱冷開工街坊送暖

歌手譚嘉荃（Amy）早前為新歌《插翼難飛》拍MV，拍攝當日遇上氣溫急降，令衣衫單薄的她凍上加凍，她說：「我哋喺南生圍拍，嗰日好似得8度。形象指導揀咗件吊帶背心畀我，雖然有外套，但係唔暖嘅，初初打算黐暖包，點知黐唔實，一路拍就一路跌，好在只係落微雨，拍完都冇冷親。」Amy與工作人員其後移師朋友家中繼續拍攝，遇上好人好事，她說：「我哋問朋友借咗間屋拍攝，但間屋乜嘢都冇，朋友就同鄰居單聲。大家喺南生圍拍到超時冇食晏，點知個鄰居拎咗雞湯畀我哋飲，我當時食素飲唔到，但工作人員飲完都暖咗好多，真係覺得好有愛！」