趙永洪影視雙響等時機食胡
演員趙永洪早前小試牛刀踩入影圈，在電影飾演濫用私刑的懲教署職員，表現一鳴驚人，更憑此入圍金像獎最佳男配角的首輪名單，他坦言意想不到：「自己本身係電視人，第一次正式踏足影圈，加上呢部戲始終係比較細嘅製作，冇好大卡士，真係冇諗過出嚟嘅口碑會咁好，要多謝台前幕後嘅努力。」
張建聲擔大旗做監製
初登大銀幕即跑出，但趙永洪依然沒有放棄電視圈，繼2007年參演《同事三分親》後，相隔10年再憑劇集《降魔的》演的士司機「些粉」一角彈起，成為多個網絡平台的候選「最佳男配角」，他說：「其實係個故事本身好睇，尤其『龍貓』死嗰段有好大衝擊，所以觀眾先留意到我，如果『些粉』可以有多啲戲份就更好。」提到未能入圍台慶頒獎禮，他明白每個平台都有個別規則，並非演員所能控制，亦相信只要做好本分，總會有機會：「演員呢行唔係一分耕耘一分收穫，就算你覺得角色吸引，都要睇天時地利人和，所以係冇得計算。」入行20年來經歷多番起跌的他，亦感激觀眾一直以來的支持。
另外，趙永洪日前趁農曆新年相約好友張建聲外出測試人氣，張建聲透露新一年會首次擔大旗，身兼演員及監製拍電影：「嚟緊會開戲，仲係第一次做監製，所以都想快啲操Fit番身形，同埋構思好部戲，希望一切順利！」
文：專案組