翁虹逆齡美貌似25歲 享受黃金時代
「美魔女」翁虹今年出道30周年，而且即將「入五」，意義更為重大。為了紀念這個特別日子，每年都會搵專人度身訂造拍攝專輯的她，今次足足換了30多套服裝、影足20多小時，她笑說：「好多朋友讚出嚟效果比實際年齡『一半有找』，50歲可以保持咁嘅狀態，講真絕對唔容易，多得我老公（Will）長期『嫌棄』我。其實家庭係我嘅避風港，令我可以安定落嚟，遇到Will再生埋囡囡『小水晶』，人生真係好圓滿，我覺得依家先係自己最黃金嘅時代。」
地獄特訓炮製驚喜
翁虹入行至今，不經不覺已拍下逾100部作品，粉絲計劃為她剪輯一個紀念版，問到還有甚麼慶祝活動？她說：「我正進行地獄式集訓，暫時未能透露，等大家到時睇到會有驚喜！」她回顧多年來生命中有好多貴人，亦有不少人誤解她，但坦言早已放開：「我係一個簡單又單純嘅人，時間讓大家終於了解到一個真正的我。」她明白要能收能放，善待自己才是最重要。
