陳明恩家中開唱嚇窒兔仔

藝人陳明恩與歌手兼作曲人徐偉賢(Peco)相識十年首次同台,4月將在港重演百老匯音樂劇《Smokey Joe's Cafe》。Peco自爆曾被陳明恩呃:「佢廣東話好流利,有日同我講佢其實唔識講英文,我真係信,畀佢利用咗我嘅單純。」認真搞笑。音樂劇尚未開始排練,陳明恩信心十足說:「唯一擔心係我要喺屋企練歌,每次我唱歌屋企隻兔仔都會嚇一嚇,好細膽。」她說今年最大心願是能夠開個人音樂會:「睇過麥當娜個騷,好鍾意佢帶出反戰爭嘅訊息,我都好想自己個騷可以分享一啲人生態度,遇到困難不要放棄,係我嘅人生觀。」