林欣彤冇運唔敢賭:六合彩未中過一個字

歌手林欣彤(Mag)昨日出席關注精神健康活動,她在台上憶述當年參加《超級巨聲》後受情緒病困擾的經歷,並感謝親友的鼓勵和支持,她感性道:「我好相信所有嘅苦難都係禮物,如果唔係嗰段經歷,我未必有依家嘅堅定。」又指初三已「開年」,同老友陳慧敏到澳門唱歌,但不敢賭錢,她說:「我好驚賭錢,因為好多時會輸,雖然唔係輸過好多錢,但真係冇乜賭運,屋企人有時叫我買六合彩,但我好似一個字都冇中過。」

至於擔任司儀的陳倩揚佗B四個多月,見她手腳仍然纖細,但孕肚相當明顯,她笑說:「呢個Size應該係我之前佗五、六個月咁上下大,可能已經第三胎,入面比較鬆動啲啩!」