黎瑞恩因禍得福流感瘦十磅

歌手黎瑞恩（小恩子）、吳浩康和徐加晴等昨日出席無綫《博愛歡樂傳萬家》記者會。小恩子受訪時談到日前因患乙型流感入院，她表示差不多完全康復，稍後將終極覆診，問有否外出拜年？她表示整個假期留在家中：「但個個都約晒去我屋企，淨係可以望住佢哋食蘿蔔糕！」又坦言這段時間瘦了十磅，之後要為四月演唱會再減八至十磅：「但唔可以減太多，冇肉點做『玉女』！」她笑言減磅是流感的意外收穫：「好耐都冇試過呢個磅數，五年前演唱會就試過，但呢幾年重咗成廿幾三十磅，淨係諗點減都暈！（依家幾磅？）唔講！總之有啲分量啦！」