何傲兒扮醜女 網友食唔落飯
藝人何傲兒在《波》劇中犧牲靚樣，以醜女形象扮演李佳芯妹妹，即時引起網民正反回響，有人指見到她的醜女造型食唔落飯，亦有人替她抱不平：「咁樣醜化傲兒好似好唔抵，感覺係咪有心整蠱人！」何傲兒昨日受訪時對於《波》劇成為網民討論對象，感謝大家支持並表示會加油努力。
《波》劇是何傲兒離開無綫前最後一部作品，問到會否感觸良多？她說：「最深刻係拍最後一個鏡頭，眼淚喺心裏面流，同劇演員唔知我嗰日係最後一日。呢個角色咁特別，先確認自己好鍾意演戲。（與同劇演員有冇聯絡？）有，套劇出街後睇番開工時同大家影嘅劇照，忍唔住Send畀佢哋。」