聞追多個嚇窒陳茵媺 陳豪安撫：冷靜啲！
視帝陳豪（阿Mo）昨日拖實太太陳茵媺到銅鑼灣時代廣場出席「金龍醒獅賀新歲」活動，現場下起毛毛細雨，護妻心切的他貼心為低胸上陣的太太披上外套取暖，二人又十指緊扣欣賞舞龍舞獅表演，恩愛滿瀉。
讚老婆110分
阿Mo受訪時笑言能夠夫妻檔開工是個好開始，談到新年，他賣口乖大讚太太廚藝說：「最開心係太太煮團年飯，佢係新年先會煮廣東菜，上年佢仲煮盆菜，由零開始。（畀幾分太太？）110分啦！（仲有進步空間？）只會愈做愈好，愈嚟愈正！」
身為「多仔公」的阿Mo被問到會否計劃生多個？茵媺聞言即說：「What?」當聽到阿Mo說：「唔係生嘅問題。」她即驚呼：「What do you say?」阿Mo即急急安撫說：「大家冷靜啲先！最重要係照顧同教育，所以暫時三個先！（暫時？即係之後會再生？）等我做埋啲功課先啦！依家日日排住隊要我做功課。」茵媺透露新一年有機會與老公合作拍電影，阿Mo笑說：「避咗好耐，避唔到喇！（鏡頭前親熱會尷尬？）唔會閂後門住！睇吓藝術成分有幾重囉，演員希望感動到觀眾，可以有限度咁做。」
此外，張嘉兒昨日上載與一眾港姐包括戚黛黛、曹敏莉、朱凱婷及陳茵媺等開心團拜的照片，獲網民大讚港姐拜年團顏值超高。
文：影視組