曾金錢援助 馬海倫心痛：人都走咗！
李菁昨日被發現暴斃家中，同是邵氏出身的馬海倫聽到消息時直言心痛，透露自己加入邵氏時對方已是影后：「十幾年前都有約埋井莉、秦萍飲茶，去年揸車經過銀行見到李菁都有同佢打招呼，仲話約出嚟飲茶！」她表示知道李菁患病，但未有問詳情，談到對方經濟出現問題，十多年前在錢銀上有幫助對方，但始終長貧難顧，卻不願談及金額：「唔講啦，人都走咗，唉！佢以前真係好有錢、好風光，好多架車！」
曾與李菁合作拍電影《死角》的姜大偉，坦言可惜：「好多年冇見、冇聯絡，當年同佢合作過兩、三套電影，佢都好好傾。」而邵氏影星狄龍的太太陶敏明透過電話訪問表示不知對方離世，大家不熟亦沒有聯絡，只知她患病。前邵氏藝人邵音音，起初未知李菁死訊時，反向記者查問死者真正名字，後知屬李菁本人，她再說：「知佢冇屋企人，所以會幫手籌辦佢嘅身後事！」
