加拿大樂壇小天王Justin Bieber自從與天后Selena Gomez翻撻成功後，愈來愈甜蜜！近日Justin帶埋Selena出席「未來老爺」Jeremy於牙買加舉行的婚禮，期間上演真人騷又攬又錫，Justin更High到露底，搶晒老竇鏡！
Justin父親Jeremy與未婚妻Chelsey Rebelo前晚在牙買加Montego灣一所別墅的後院舉行婚禮，雖然結婚的是Justin老竇，但大家的焦點都落在其天王囝囝與女友身上！事關一對小情人一直形影不離，赤膊露底的Justin除了被拍得與打扮性感的Selena親密攬啜，更有為女友玉背搽太陽油。據知之前Justin專程乘私人飛機前往德州，接女友一同到牙買加，有知情者說：「Selena與Justin為今次婚禮，漏夜從德州飛抵牙買加。而佢哋先喺度假別墅同Justin嘅家人會合，之後就準備出席Jeremy同Chelsey嘅婚禮。」有指Selena與Justin的家人相處融洽，與他們擁抱並打成一片，亦有和男友的表兄弟大玩自拍。
而晚上舉行的婚禮，有指Justin怕搶老竇風頭而沒有祝酒及致詞，也沒有唱歌娛賓，只有當地的DJ及樂隊負責打碟唱歌，整個婚禮亦相當「Casual」，擔任兄弟團成員之一的Justin與父親同穿短袖恤衫、紅色煲呔及粉紅短褲。除了Justin與Selena之外，現場還有30多名賓客出席，有在場人士表示：「人人都好放鬆，玩得好開心，係個完美嘅婚禮，Justin同Selena睇落都勁開心。」事後Jeremy亦於社交網上載現場照片。
文：外娛組