李施嬅旺「處男」助陳山聰開齋
首次擔正男一的陳山聰昨日為新劇試造型，拍檔李施嬅笑指自己勁旺「處男」，當年首度擔正的王浩信被她「破處」後福氣持續到現在成為視帝，所以深信有能力令山聰由最佳男配角「升呢」視帝！
藝人陳山聰、李施嬅、譚凱琪和張曦雯等，昨日於將軍澳電視城為無綫新劇《金宵大廈》試造型。首次做男主角的山聰以保安造型現身，與劇中演空姐的施嬅演情侶。施嬅受訪時透露特意為山聰度期，更睇好對方會攞視帝：「王浩信第一次做男主角係同我拍《樓奴》，佢依家攞咗視帝。我覺得山聰係好勤力，做咗咁多年需要畀番啲機會，畀大家睇到、認同佢嘅演技同努力。」
忍笑拍親熱戲
兩人在劇中有親熱戲份，山聰指女友明白只是拍攝工作一部分，故不會有壓力。至於施嬅就笑言拍攝時要忘記山聰的搞笑樣，皆因好友袁偉豪不時在「Crazy Runner」的群組中公開山聰的搞笑樣，山聰聞言立即解釋：「佢每次都會儲存晒，間唔中放出嚟。」
張曦雯捱兩劇
同場的張曦雯透露在劇中的造型與《盜墓者羅拉》相似，更說：「公司見我做《3日2夜》都歎得耐，所以即刻要我同時拍兩套劇。（驚唔驚辛苦？）唔驚，係時候辛苦吓、捱吓，試吓呢個滋味。」至於譚凱琪就以長髮眼鏡Look示人，指劇情講述她誤以為性交可以轉運，會與陸永拍攝不少「動作」場面。
文：影視組