溫碧霞60歲退休捧新人
藝人溫碧霞（Irene）素有「凍齡魔女」之稱，一向事業心重的她繼續忙個不休，然而她自爆有退休打算：「我諗住拍戲最多只會拍到60歲。我一直對時裝設計、室內設計，甚至畫畫都好有興趣，只係冇時間認真學習，退休後我可以全情投入。嚟緊都有計劃送囝囝Xavier去美國讀書，如果我都喺美國上堂，可以照顧埋佢。」
談到狗年工作，Irene說：「會出寫真、拍戲，我工作室仲會籌拍第二部作品，過完農曆新年就為呢部戲做Casting，諗緊可能去學校搵適合人選。」更直言若覓得有潛質演員，不排除「收歸旗下」。
去年曾鬧出婚姻小風波，Irene甜笑表示與老公學懂了溝通方法，兩人更趁新歲偕同Xavier會合一眾友人，到峇里島享受陽光與海灘，返港不久再轉飛巴黎出席時裝周。本身在外地多處有物業的她，坦言「下一站」極有機會是美國：「如果有間屋喺嗰邊，第時我同囝囝返學會方便啲。」
文：影視組
攝：張福宏
髮型：Ken Ng
化妝：Khaki
旗袍：中藝CAC1959
場地：中藝灣仔旗艦店