歌手洪卓立（Ken）和女友湯怡、衛詩雅及陳家樂日前現身英皇在上周三情人節於屯門開業的英皇戲院，雖然四人平時忙於拍戲及唱歌，但每星期都會抽時間入戲院睇戲，尤其衛詩雅、湯怡及陳家樂身為演員，更會透過電影去學習不同演員的演戲技巧。

阿Ken稱最愛是看懸疑片，所以戲院內的音響及座位舒適度好重要，因為會直接影響睇戲時的投入度。然而四人睇戲都遇上不同經歷，Ken笑說：「細個第一次入戲院睇《侏羅紀公園》，由於太緊張同埋被啲音響嚇親，尤其是啲恐龍聲，所以睇到一半就走咗。」

而湯怡自爆睇恐怖片時，被音響效果嚇到大叫，感覺幾尷尬。衛詩雅就最搞笑，當年仍未到4D年代，她已感受到4D：「細個喺啲舊戲院睇戲，啲座位仲係木櫈，有次睇睇吓戲覺得櫈下面有嘢『撩』我隻腳，原來有隻貓喺我腳邊行過，嚇得我呢。」

文：音樂組