已屆適婚年齡的傅穎目前孑然一身，她直認想效法鍾欣潼「雪卵」的做法，並上網摷資料預備實行。最近她在北京飼養了一隻貓仔，她笑言對貓仔日思夜想，感覺就似湊BB一樣，幻想到將來自己必定是個超級緊張媽媽。

近年以內地發展為主的傅穎（Theresa）早前宣布甩拖，跟蒙古男友去年分手，她坦言：「新一年唔諗感情住，因為我個人一心不能二用。」她與前度雖保持朋友關係，但兩人盡量減少聯絡，她說：「始終需要一個過渡期，要完全分開冇咗對方喺生命，之後再以朋友相處，否則成日聯絡唔係一件好事，可能有時會諗起佢，其實係唔應該，舊年仲會咁，今年我完全放低咗佢。」

傅穎以前想過28歲結婚，但已經過了，但她覺得自己有一日應該會結婚生仔。今年33歲的她可有想過「雪卵」？她坦言有「雪卵」計劃：「我都年紀大。（鍾欣潼都係35歲先雪？）真係o架，其實我會諗，因為如果真係萬一要BB嘅，都希望BB健康啲，為將來小朋友着想，我覺得都係要做呢件事，我上網摷吓資料喺邊度做。」

雖然未有對象，但傅穎一顆心最近被「牠」融化，牠就是傅穎在北京家飼養的貓咪「瓜瓜」，她笑言養了「瓜瓜」後日思夜想，感覺好似湊BB一樣，她笑說：「我覺得做媽咪好偉大，依家好似湊小朋友熱身咁，我緊張到日日幻想到將來有小朋友，自己會變成超級緊張媽咪。」由於掛住「瓜瓜」，她笑說：「平時我拍咗好多Video，喺香港就可以不停咁翻睇，愈睇就愈掛住，所以呢幾日，我就返北京。」

文：音樂組　

攝：吳文聰