歐洲坊x太極x交響樂團紅館狂熱

太極兩場演唱會門票今日公開發售，今次主題名為「交響狂熱」，太極六子表示：「今次除咗我哋平時玩嘅樂器，後面仲有一班好龐大、有60人嘅交響樂團樂手伴奏，話明交響樂團，即係有弦樂、管樂同敲擊樂，但係又唔好以為太極同交響樂團玩，就會變得好斯文、好莊嚴，其實我哋係外表斯文，依舊Rock到爆！」他們表示過去推出的唱片中，很多歌都有弦樂伴奏，但只是用有限資源完成：「今次演唱會可以真真正正有一個大樂團現場伴奏，嗰種震撼度，仲唔係如虎添翼？」

對於和交響樂團合作，太極竟說令他們放下了心頭大石，Ricky解釋：「因為太極開咗咁多次演唱會，今次有呢個新元素，畀我哋同歌迷都有新鮮感，所以呢次合作係掂梗！」Gary則坦言與60人合作有一定難度：「要花好多時間排練，不過，樂團好多樂手平時都有聽流行音樂或Band嘅搖滾樂，唱K都唱《Crystal》o架！好似擔任樂團指揮嘅古典浪子廖原，佢同我哋就為咗今次演出，用咗幾個月時間準備。」

「歐洲坊」代表（右三）向太極送上金獎盃。

「歐洲坊」多年來贊助過各類型活動，當中包括不少音樂會及演唱會。

神秘嘉賓前所未見

太極透露會挑戰管弦樂樂器，趁這兩個月學習新樂器後，屆時為大家炮製驚喜。講到神秘嘉賓，Joey斷言：「唔講得！呢兩個嘉賓到時出現大家會好開心，其中一個係冇喺我哋演唱會出現過嘅。」問到可會加場，他們說：「一票難求！」Patrick坦言：「我哋同歌迷都唔夠o架，但係檔期有限嘛，咁我哋可以衝出香港，去開巡唱。」他們表示可以和各地的交響樂團合作，所以做巡唱問題不大。

歐洲坊送獎盃互勉

至於演唱會記者會上，「歐洲坊」的代表為太極送上一個金獎盃，他表示：「因為太極樂隊係香港樂壇殿堂級No.1嘅樂隊，加上今次嘅Crossover係香港樂隊史無前例，係香港第一隊流行樂隊同管弦樂樂團合作，咁有意義嘅事絕對值得以No.1嘅獎盃作為紀念。而歐洲坊都好開心，今次可以參與其中，因為一件事情要做到第一，其實並唔容易，正如歐洲坊宗旨一樣，我哋一直追求做到最好，向着業界第一為目標，所以藉住有象徵意義嘅獎盃寓意大家一齊努力，未來有更多突破，做出更多第一嘅成績。」

贊助活動與眾同樂

「歐洲坊」自2010年開始，先後贊助了各類型活動，例如音樂會及演唱會，歌手包括譚詠麟、杜麗莎、林憶蓮、溫拿樂隊等。去年在「歐洲坊」20周年這別具意義的日子，更特別呈獻《阿Sam & 阿Tam Happy Together演唱會2017》，為顧客及大眾帶來難忘而令人回味的慶祝活動。

文：音樂組　

攝：秦健輝