城城激戰河神嗌震撼

郭富城、羅仲謙、趙麗穎、馮紹峰、小瀋陽、陳雅麗及導演鄭保瑞等，前晚盛裝亮相北京國家體育館，出席新片《西遊記女兒國》北京全球首映禮，大會特別安排五層樓高的巨幕放映，又請來歌手李榮浩及張靚穎現場演繹主題曲，場面盛大豪華！

劇情包羅萬有

「孫悟空」郭富城透過巨幕欣賞自己與河神激戰，他說：「我都係第一次喺咁大個螢幕睇自己，巨幕加上音效配合，好震撼！我記得我哋拍水底戲，多數都係用綠幕拍，現場只有基本陳設，可能係一間屋、一條船，估唔到出嚟效果咁逼真！」他表示今次是導演鄭保瑞第三集作品：「佢有咗經驗，製作同演員處理上都好成熟，每個演員都好用心演出，有國王同唐僧嘅愛情，又有國師同河神嘅一段情，仲有四師徒搞笑，包羅萬有！」

羅仲謙讚特效出色

飾演沙僧的羅仲謙大讚戲中水戰場面，水柱似迎面而來，更指特效加上4K放映機，為他帶來強勁視覺衝擊感：「好多場口我哋都係企喺綠幕前拍，演嗰時單靠幻想，冇諗到出嚟效果咁豐富！」首映過後，現場觀眾掌聲不絕，導演鄭保瑞與郭富城等一眾演員上台道謝，又一字排開，以「女兒國全家福」陣容，手執「大年初一勇敢去愛」的揮春，向觀眾拜個早年！

鄭保瑞（左）率領一眾演員向觀眾拜個早年。	趙麗穎與馮紹峰盛裝亮相首映禮。	在五層樓高的巨幕欣賞電影，一眾演員都大呼過癮！

文：影視組