歌手小肥將於周日舉行澳門演唱會，昨日到練歌室綵排積極備戰。他表示現時狀態佳，而歌單中有幾首歌一唱就好易喊：「啱啱綵排唱《身體健康》都嚟料，入面有一段係會唱到毛管戙！」問到是否真的不考慮騷肌？他大呻：「都冇，騷咩肌啫？我只係操體能，只係可以維持成個演唱會嘅耐力。操完都會硬淨少少嘅，掛得起嘅衫囉！」
提及最近加入新一屆香港演藝人協會並擔任理事一職，小肥表示很驚喜，又透露已經舉行了第一次會議：「知道今屆佢哋想多番啲歌手、年輕人，想重整士氣，『復活』番香港嘅音樂。」
