喜訊一出，羅力威所屬的英皇娛樂歌手包括蔡卓妍、張敬軒及鍾舒漫等齊祝他與雨僑白頭到老，而早前應承男友求婚的鍾欣潼就叮囑師弟：「阿威要好好咁照顧另一半呀！」至於洪卓立就乘機邀歌：「結婚有新衝擊，作歌畀我啦！」
另外，曾擔任羅力威MV女主角的組合Super Girls成員Aka，昨日出席活動時大讚對方是超級好男仔：「佢唔會話請你食飯多謝你，因為佢有女友，將來都想搵個好似佢咁專一嘅人。」