美國著名巨胸水着模特兒Kate Upton日前在社交網留言，自爆曾被國際服裝品牌Guess創辦人兼首席創作總監Paul Marciano性騷擾，話口未完，另一模特兒Miranda Vee前日亦在社交網指控Paul性騷擾之餘，更自稱被人氣模特兒姊妹花Gigi Hadid與Bella Hadid的69歲地產商父親Mohamed Hadid強姦！
Miranda前日在社交網留言：「多謝Kate Upton，依家係時候要將Paul Marciano同Mohamed Hadid呢種人嘅惡行曝光！我曾喺所謂Guess總部，而實際上係個單位同Paul見面，佢性騷擾我之後，將我推畀佢朋友Mohamed，話約我『飲咖啡』，我以為係專業會面，但原來只得我、佢同香檳，最後佢喺單位內將我強姦，所有嘢只係為咗同Guess做一個試拍。去年我嘗試發聲，佢哋發現後逼我簽保密協議，因為Paul恐嚇我，話如果我爆響口，佢會令我消失，我先簽咗。#時辰到 點解我哋要封口，只係因為佢哋有權有勢？」
而Mohamed則否認指控，但承認兩年前曾與Miranda會面，因為對方自稱是其粉絲：「我哋見面時唔係一個約會，我亦冇掂佢。」他指Miranda的指控離譜及完全失實，如果真的想指控他與Paul，她應該去報警，而不是在社交網寫文。至於一直封口的Paul亦首次回應指控，並與Mohamed口徑一致說：「如果佢要講，有一個地方可以講真話，就係法庭或同警方講。」Paul亦指擔任Guess代言人的Kate Upton開工時，因為夜蒲完個樣「殘晒」，故他們決定不再合作，Kate Upton遂乘機指控他性騷擾作報復。
Guess創辦人接二連三被指控性騷擾，最近剛獲邀擔任新代言人的歌影視紅星珍妮花露柏絲（Jennifer Lopez）就首次發聲明回應：「我在這些問題上的立場是眾所周知的，因為我一直非常認真地對待這些問題。我不會寬恕任何方式的性騷擾、違規或不當行為。任何指控都應該全面及徹底地調查。我將繼續支持我們作為女性的權利。」
另方面，Mohamed女兒Bella Hadid近期成日帶狗仔外出，而她的女造型師就在時裝店更衣室拍下Bella半裸抱狗遮重要部位的照片，並放上網呃like！
文：外娛組