大肚葉翠翠瞓覺炳老公

藝人葉翠翠自宣布懷第二胎後，昨日首度出席公開活動，穿露膊春裝、腳踏4吋高跟鞋現身灣仔，以靚媽媽肚凸凸形象示人，她說：「老公車我嚟，唔怕嘅！我有咗4個月，預產期6月，擇日開刀，Book咗醫院，但邊日就唔講住！今胎我成日發噩夢，試過老公返工前錫我一啖，我瞓緊都一拳打落佢塊面，因為我發噩夢見到蟲！（知BB性別未？）未，老公想要仔，我就覺得生女可能會擔心佢危險，生仔感覺上冇咁蝕底。」