莊思明封印陰陽眼

藝人莊思敏（Jacquelin，圖左）與妹妹莊思明（Lisa）昨日宣傳賀歲電影，Jacquelin指電影是另類真人騷，她們跟隨李居明師傅到日本一些古靈精怪的地方，Lisa指最恐怖是去閻羅王廟，Jacquelin附和：「一聽到要去呢個地方已經覺得有啲不安，結果妹妹入到去覺得好唔舒服，成塊面青晒！」原來Lisa自小已有靈異體質：「細個成日都見到，後來真係見得太密，要媽咪帶我返馬來西亞封咗隻眼。」提到Lisa快將生日，問Jacquelin是否會把之前買給Lisa的西營盤600萬單位當禮物？Lisa笑住擰頭說：「層樓一日未賣到出去，我都唔當係禮物o架！」