泳兒格價學做精明「人妻」

泳兒與男友到食店四圍格價，男友又不時望住泳兒密密傾。

現年35歲的泳兒與髮型師男友Ziv Yeung相戀六年多，一直表現恩愛，原本居於北角半山的泳兒，兩年前因被業主迫遷要另覓新居，索性搬到跑馬地與男友同居試婚，去年中更突然傳出秘婚消息。事後泳兒對秘婚一事不承認也不否認，更稱自己不是單身，還表示接受到即興結婚。

硬食二手煙

日前晚上8時許，身穿淺色長褸的泳兒與男友現身銅鑼灣街頭，沿途見兩人如老夫老妻般邊行邊傾，期間男友突然煙癮起，隨即邊行邊吞雲吐霧，而泳兒就一直殿後，奈何男友噴出來的白煙卻一直往後吹，但泳兒兜口兜面硬食二手煙亦沒有詐型，直至男友食完煙，兩人再繼續並肩而行。

其後途經該處食店時，泳兒化身精明「人妻」與男友停低八卦睇餐牌格價，甚至向食店職員詢問一番！沿途見Ziv搭着泳兒膊頭邊行邊商量，行完一間又一間，不過似乎唔多啱心水，之後齊齊到附近搭小巴返屋企撐枱腳。

泳兒（左）

男友搭着泳兒膊頭行，相當癡纏！

文、攝：追蹤組