陳凱琳努力博生龍鳳胎

今晚將擔任華姐評判的藝人陳凱琳（Grace）前晚與陳敏之、黃浩然出席仁濟慈善晚宴並擔任表演嘉賓，Grace平時會與媽媽一起做義工派飯，但未試過與男友鄭嘉穎一同做義工，不過，她大讚男友助養十位兒童好有愛心：「佢好錫小朋友。（咁你要唔要生十個？）應該生唔出，順其自然啦，但我有龍鳳胎基因，可能生一男一女，一胎搞掂。（生多啲？）我屋企仲有個家姐，我同細佬係龍鳳胎，三個好熱鬧，可以一齊玩。（快啲進行？）OK。」