林嘉欣低胸捱凍晒百萬鑽飾
演員林嘉欣前晚在8℃低溫下，穿單薄的低胸吊帶裙現身周大福的開幕活動，戴上逾百萬港元鑽飾的她笑說：「好凍呀，但戴得鑽飾就要畀人睇到，冇理由着樽領衫戴鑽石。後來凍到口唇都震晒要着番件衫，仲攞咗個女嘅暖水袋用，真係太凍。」
憶述非洲之旅眼濕濕
嘉欣透露第一粒鑽石是工作賺錢購買，雖然要用放大鏡才看到，但滿足感很大。農曆新年將至，她表示與女兒寫揮春及自製利是封，並親手做了鯉魚形年糕送給朋友。
另外，嘉欣昨天出席《饑饉30啟動禮》，透露去年12月到非洲難民營探訪，直言心情忐忑。問到有否忍不住喊？她說：「真係好殘忍，佢哋睇住屋企人或鄰居畀人殺，但佢哋唔想人可憐，好堅強。」並希望等到細女7歲時，帶兩名女兒一起探訪。她自爆與女兒談起當地經歷時眼濕濕：「點解當地小朋友嘅命運會咁？真係好唔公平。大女都有問我點解一定要去，我話幫人係人嘅本能，所以幾辛苦都要去。最好笑係細女話唔想我走，驚我畀獅子、老虎咬。」
文：音樂組