陳偉琪化身「神」農賣上菜

陳偉琪（Vicky）早前在無綫劇《誇世代》中色誘陳豪，又在《溏心風暴3》中有大膽演出，不少觀眾拍案叫絕，性感形象深入民心。雖有女神之稱，但她偏偏不願作女神收兵，反而愛上做菜農收菜！Vicky日前接受東網巨星節目《娛樂onShow》主持陳振安訪問，剖白為何會有開設本地水耕種的想法！

Vicky坦言在香港買新鮮菜的價格不菲，希望港人能夠吃到新鮮又合理價格的菜：「可能我喺加拿大返嚟，嗰邊嘅菜既新鮮又係本地種植，望到已經好想食，但返到嚟香港，想食新鮮嘅菜就覺得好難！所以我就同班理念相同嘅朋友合資喺新界開設本地水耕種，想香港人可以食番香港人種嘅菜，佢哋可以知道菜嘅來源，咁就可安心食用。」她又透露其種植場沒有泥土污染兼不會使用殺蟲水，大家可放心吃到天然新鮮的菜。

新作演非常角色

入行不久已參演不少作品的Vicky，部分角色令人印象深刻，下一步希望挑戰神奇女俠的角色：「因為我想做啲比較剛強嘅角色，同以往嘅可以有啲唔同，可以有啲打鬥戲份！同埋我鍾意做啲有挑戰性嘅角色，好似喺《愛．回家之開心速遞》做刁蠻富家女，對我嚟講好有挑戰性，希望畀大家見到另一面嘅陳偉琪。」另外，Vicky自爆將會有新作品推出，當中角色非常特別，想知道更多？立即Click入東網巨星收睇《娛樂onShow》啦！

陳偉琪因為食而投資水耕種，希望種出又平又靚的新鮮菜。	陳偉琪接受主持陳振安訪問，分享鴻圖大計。	陳偉琪Cup數咁高，做神奇女俠冇難度！

文：專案組

髮型：Ryan Leung from We concept

場地：N.T.Hydroponic Farm 新界水耕種