任達華游淺入深「溝」掂衛詩雅
影帝任達華與衛詩雅於新片展開一段父女戀，現實中兩人相差30年，為打破年齡隔膜，任達華得悉對方精於游水，特別於開拍前找私人教練上堂，借此打開話題，用心良苦！
任達華與衛詩雅（Michelle）年齡相差30載，卻於英皇新片《我的情敵女婿》演情侶。一臉自信的任達華坦言雙方零代溝，但細問之下才坦承拍攝前做足準備！當獲悉Michelle是游泳健將兼曾任救生員，為打破首道溝通巨牆，不諳泳術的他特別找教練一對一授課，沒料幾堂過後已見成績，任達華說：「呢啲係溝女一部分！以前連我個女都游唔贏，依家可以游到7、8個塘。雖然之前合作過，但冇對手戲唔太熟，今次我用游水打開話題，打開Michelle心扉，等佢唔好怕我！」
兩大磁場 定鏡「睇戲」
沒料此舉認真有效，兩人成功打開話題。對於前輩如此有心，Michelle受寵若驚：「其實華哥都唔係咁得人驚！佢係一個好歡樂嘅人，一望佢對眼就畀佢吸引。」談到戲中與年紀大一截的任達華相戀，Michelle表示現實中從未想過：「大過我嘅會教到我，保護性強，屋企人都唔會太反對，都係睇對方人品啫！」
至於與任達華、劉嘉玲做對手戲有否壓力？Michelle自爆有時掛住「睇戲」：「好記得最後一場戲講我帶華哥見媽咪嘉玲，當時睇到兩位前輩磁場好吸引，表面開心但眼神充滿感情！拍嗰時掛住望佢哋，好在我冇乜對白，否則會甩晒。」
默契嘉玲一
任達華除了與Michelle有感情線，與劉嘉玲亦有過一段情。對於這位老拍檔，任達華狂笠高帽：「由以前到依家嘅努力冇白費，演技上有好大進步，做人同保養都係兩頭利。（演對手戲唔使排？）好少！有晒默契，拎劇本後就自己搞。（有冇親熱戲？）梗係有，有攬錫同偷吻。」
文：影視組
攝：吳文聰