電單車黨搶相機謝利力保不失
旅遊達人謝利（Jerry）再為ViuTV做旅遊節目主持，他表示全職旅行已6年，去過60個國家，約600個城市，遇到驚險事多不勝數，他說：「試過喺越南差啲被偷嘢，電單車黨搶相機，因為部相機重，糾纏後都冇事，但就嚇餐飽，又試過被跟蹤，所以訓練到我好留意身邊事。」
他更爆有特別癖好，就是去歐洲喜愛穿西裝，因為覺得穿西裝是尊重人，他說：「去歐洲景點，着西裝似影Pre Wedding，有次去意大利，佢哋好注重衣着，啲人會打量我，去餐廳試過因為我着得咁整齊同斯文而請我哋食嘢，唔使畀錢。」他更坦言試過行山都穿西裝拍攝，但發現好辛苦，直言行山裝備好重要，現在一個月都會行兩次山。
服裝：Merrell