張立基未婚妻想圓歌手夢 被「中介人」騙逾萬元
歌手張立基昨日在微博大爆未婚妻Fiona遭前女子組合經理人騙財，涉及款項共一萬一千五百港元，他受訪時表示Fiona去年想一圓歌手夢，私下接觸自稱娛樂圈音樂方面的「中介人」，聲稱會聯絡編曲人替她製作3首歌。其後Fiona在張立基不知情下簽了兩份合約，並經銀行轉帳費用，事後卻被「放飛機」，半年來多番聯絡不果。
直到日前，張立基根據合約上的地址親自上門探究，發現沒有此「公司」存在，再經上網查證後得悉「公司」從未註冊。而他前後兩次約見，對方均以沒空為由拒絕現身，張立基說：「我同佢講，你仲唔面對面傾呢件事，我就開你名公諸於世。」
問到會否報警處理？張立基指不想搞大件事：「最緊要係收番啲錢，上網查過佢仲有呃其他人錢，其實我唔知咁做啱唔啱，但都係想保護番未婚妻，希望公開咗之後唔好再有受害者，自己以後亦都會小心啲，會查清楚先合作。」