王君馨恨過重口味情人節

無綫藝員陳敏之、王君馨、江美儀、阮兆祥、陳華鑫及李忠希在葵芳宣傳劇集《性在有情》，眾演員分組用口拉斷橡皮糖，寓意甜蜜蜜，預祝情人節。

有埋囝囝更Sweet

王君馨希望今年與老公過簡單情人節，一齊煮飯仔慶祝，她笑說：「我哋都健緊身，老公又好容易肥，所以佢煮嘢食好少鹽好少油，希望情人節呢餐可以多味啲！」陳敏之則表示情人節會與兒子及老公一齊慶祝，問到婚後過節可會沒以前浪漫？她笑說：「唔會，以前情人節大家都會一齊煮吓西餐，今年都可能會，有個仔更加Sweet添。」

問到陳敏之與王君馨兩位人妻可會花心思增添夫妻情趣？陳敏之笑說：「我呢排忙，冇咁多情趣，可能君馨會多啲，佢之前咪畀人影到買情趣內衣。」王君馨笑說：「要諗吓，唔係大日子先做就更加有情趣。呢啲都好正常，試吓多啲唔同嘅嘢，其實又唔係好情趣，係靚同埋Sexy啲。」陳敏之即打趣說：「你唔使Sexy已經好緊要，Sexy埋好快會有BB喎！」

王君馨同陳敏之一齊擺心心手勢。

王君馨（右起）、陳敏之、江美儀、阮兆祥、陳華鑫及李忠希齊齊為劇集宣傳造勢。

歎多兩年二人世界

王君馨聞言不禁大笑，表示計劃兩年後才生B：「想二人世界去多啲旅行先。」問王君馨的情趣內衣可有給老公驚喜？她笑說：「幾開心嘅，但我諗我對男人嘅情趣內衣就興趣不大，因為都幾搞笑。」問陳敏之可會嘗試穿情趣內衣冧老公？她笑指王君馨比較洋化：「我就唔好喇，我怕凍，哈哈。」

文：影視組