王菀之開騷晒「線條」
歌手王菀之（Ivana）前晚於麥花臣場館開騷，獲老公Eric So、白只及胡鴻鈞等捧場。身穿紅色貼身裙的Ivana搞笑問歌迷她是否很有線條：「條裙Cutting好，啲布夠硬，邊度凸出嚟都可以拉番直。」又自爆很多歌是在沖涼時創作。至演出尾段，全場歌迷大叫Encore，她再次上台清唱，為音樂會畫圓滿句號。
受訪時，Ivana表示三星期前患重感冒，問老公可有煲湯水，她即冧爆點頭。她表示情人節要開工，但新年會抽時間陪家人，並自言要積極減磅，問到目標？她說：「數字嘅嘢唔好講喇，有啲進展！」
