周柏豪「二奶」都搞唔掂呻冇時間造人
最近娛圈喜事多，更陸續有藝人生BB，歌手周柏豪自言雖然有心有力，但完全沒有時間「造人」，甚至忙到連「二奶」都顧唔掂：「佢冇電跪低咗！」同場的吳若希則自爆將與老公「分居」：「佢有佢嘅生活！」
歌手周柏豪、吳若希（Jinny）、胡鴻鈞和菊梓喬（Hana）等昨日在觀塘拍攝無綫節目《玩足狗年 群星夢幻戰》。提到鍾欣潼（阿嬌）自爆已答應男友求婚，曾與她合作的周柏豪戥對方開心，又指圈中除了婚事外，不少藝人亦生小朋友。問到何時到他，柏豪即笑言自己連「二奶」——座駕都養唔掂：「我有能力，但冇時間，連車都養唔掂，冇揸太耐，搞到冇電跪低咗。」又表示閒時會抱別人的BB「實習」一下，但問到有否試抱吳若希的囡囡，他即表示不敢抱：「佢太細個喇！我好粗手粗腳。」
至於Jinny提到狗年將至，笑稱會帶囡囡「淼淼」向周柏豪（逗）利是，又指每到農曆新年都會回福建探親，今年也不例外，之後便返港錄新歌：「我會（由澳門）搬返香港，阿B（囡囡）會搬嚟陪我幾日。（老公何兆鴻呢？）佢有佢自己嘅生活。（分居？） 暫時分居！」
Hana儲歌闖紅館
同場的Hana被問有否諗過在狗年開紅館騷？她自言打算五年後才進軍紅館，因想儲夠廿首歌先，並想於較小的場館開音樂會先試水溫。至於與藝員張景淳的緋聞，她堅稱對方是相識已久的好友，記者笑指對方或暗戀她一段時間，她即說：「電視劇咩！」並強調不會與對方撻着。
文：影視組