楊受成「嫁女」準備送龍鳳鈪
阿嬌宣布婚訊後，英皇老闆楊受成昨晚出席惠英紅生日會時，即擁抱祝賀阿嬌，更對阿嬌說：「你終於有人要啦！」阿嬌就笑說：「講埋呢啲嘢！」記者恭喜楊受成「嫁女」時，他笑晒表示多謝，又指見過阿嬌的準老公，大讚對方長得不錯又斯文，而且有好職業，問有否與對方傾過偈？他說：「有，傾過，佢對阿嬌好唔好就唔知，不過阿嬌一早WeChat我，同我講『老闆！有人同我求婚呀！』我祝賀佢，話佢執到啦！」
楊受成更表示準備送龍鳳鈪，會再請太太選禮物，更豪氣表示包酒席亦可！身旁的英皇高層霍汶希（Mani）就說：「上次古巨基你都出酒席啦！」而楊受成則笑指：「每次Mani同容祖兒入我辦公室，我就會撳住個袋o架啦！」又爆料指謝霆鋒花了他幾百萬元，被問到是否霆鋒準備結婚？他說：「唔係，佢話北京有舖要裝修，叫我出啲，叫我畀一半，都幾百萬屋o架！（畀阿嬌？）阿嬌就抵畀！值得畀！」
