惠英紅生日恨嫁：幾時到我呀？
三屆金像影后惠英紅昨晚在灣仔搞生日派對，與剛剛答應男友求婚的阿嬌碰頭，兩人合照期間熱情擁抱兼搓手捽背，之後惠英紅更「恨嫁Mode On」問：「幾時輪到我呀？」
惠英紅指生日願望是身體健康，又謂今年蟬聯金像影后機會微，會寄望下年。問會否想拍拖？她笑住答：「想呀！我好耐冇拍拖喇！所以頭先見到阿嬌，我都話要沾吓佢啲旺氣！」她又指沒有人追：「其實我都有叫楊生（楊受成）介紹啲男仔畀我，但可能因為年紀大過我同時又未婚嘅人數比較少，所以就仲未介紹到。」而湯怡與麥子樂亦前來祝賀，兩人更謂打算向惠英紅拜師學做打星。
曾樂彤認拍拖一個月
至於被本報踢爆與游學修拍拖的網絡紅人兼英皇新人曾樂彤，就指與男友拍拖差不多一個月。問男友如何追求她？她有少許緊張：「呢個你問番佢啦！（鍾意佢咩？）價值觀，佢係一個好人嚟！」又坦言不擔心外界把她與男友前度蘇麗珊比較。
