阿Sa送祝福：激動到瞓唔着！

阿嬌答應男友求婚，拍檔蔡卓妍（阿Sa）秒速留言表示：「永遠幸福快樂，日日都甜蜜。」並上載兩人合照留言：「千言萬語，在心中。」阿嬌則回應：「除了他，你也是我生命中最重要的人，真的千言萬語在心中。」結果阿Sa表示：「好衰o架，搞到人哋激動到瞓唔着。」至於好姊妹容祖兒受訪時坦言很開心和感動：「嗰刻有啲想喊，一直以嚟我覺得阿嬌係心地好好、好善良、好有愛心嘅女仔，佢已經好Ready進入人生另一個階段，但未知道佢幾時先真係結婚，無論佢幾時我都一定Mark好個期同佢分享呢個人生大好日子。」