蘇永康大義罵親：嚴厲譴責咗佢！
歌手蘇永康（阿公）昨日以愛心大使身份出席慈善活動記者會，談到好兄弟梁漢文（Edmond）上星期涉醉駕一事，阿公坦言作為好友，已經嚴厲譴責對方，並指事情不能接受：「其實要講嘅阿梁都講晒，總之BIG FOUR係一條心，我哋已經好嚴厲咁譴責咗佢！因為呢啲行為係絕對唔可以接受，阿梁都非常內疚，佢都發咗聲明。」
問到可知道Edmond的工作有否受影響，阿公直言詳細要問老闆任賢齊，待他向大家交代，希望大家能夠給予Edmond時間去改過。至於好友心情如何，阿公說：「絕對係處於低谷狀態啦！坦白講官非嘅嘢，在下十多年前都曾經試過，心情點會好，始終係惹上官非。」
認掃豪宅：要買少兩件衫
阿公透露抱病出席活動，患重感冒及喉嚨發炎而病了個多星期，怕傳染兒子而不敢抱他：「好折磨！怕傳染佢但佢又扭計，結果要戴兩個口罩再幫佢戴埋兒童口罩先至抱。」他又承認早前斥資2,800多萬購入北角豪宅，坦言要努力賺奶粉及供樓錢：「冇話貴唔貴啦！依家個市都睇唔到有咩機會跌番落嚟，要更加努力賺錢，買少兩件衫囉！」
文、攝：音樂組