林作財困陷低潮靠袁崇煥金句頂硬上
前大律師林作近年又做補習天王，又殺入娛樂圈，人氣急升，事業看來一帆風順，但早前驚爆林媽媽財困而要賣樓，對於林作來說現在就是他的人生低潮，他說：「我去算命，佢話我今年唔上唔落，當你喺人生低谷，出面啲人覺得你好掂，其實係唔掂，即係啲人以為我搵好多錢，其實我就財困，工作機會唔多，金錢唔大，所以係吃力不討好，我係未試過過得咁苦，心情十分低落。」
問到面對方法，他表示學古希臘哲學派Stoicism： 「控制自己思想就夠，控制唔到嘅嘢就由他，唔好去批評。」他表示人生有不少金句，但去到今年他覺得要有所不同：「用咩大智慧都係嘥氣，明朝大將袁崇煥名言『掉哪媽！頂硬上！』，唔好以為粗口，有時咬緊牙關，夾硬嚟，好過你去諗太多，意志力重要得多，我今年學識頂硬上。」
