狗仔陸永時運「高」C君被睇死
堪輿學家麥玲玲前晚到九展出席互動體驗平台活動，對於有指農夫成員陸永在《萬千星輝頒獎典禮2017》因寸爆陳百祥（阿叻）而被訓話，玲玲笑稱陸永沒有事：「阿叻冇嘢嘅，成日玩，兩個都亂噏廿四。」問到狗年娛樂圈運程，她表示會有嘈交情況，但姓林、姓楊、姓李或名字有草花頭及高大的人會當旺，笑指陸永不用驚：「如果兩個（意指農夫）只能活一個，應該係陸永。」問到陸永拍檔C君是否死得？玲玲只笑而不答，又透露會在港度歲：「我過年唔見佢哋，佢哋好狼，叫我派一層樓首期嘅利是。」
撐拍檔：我旺佢又旺啫！
事後，陸永回應時指玲玲已傳該新聞給他看：「師傅講嘢不嬲都咁有娛樂性！我哋呢啲組合，我旺佢又旺，佢旺我又旺嘅啫！唔話兩個都黑仔就得(口架)喇！」C君則表示玲玲的運程書指屬狗會犯太歲，屬豬就是桃花及財運年：「陸永屬狗、我屬豬，一於陸永信佢講嘢，我就信佢寫嘢！」
另外，同場的詹瑞文表示首次透過網上平台出售工作坊，9月將演出由法國老師度身訂造的舞台劇，而最近就教授蔡卓妍演戲。
文：音樂組