邁阿密女神Celine試衫冧「男友」
「邁阿密人氣女神」Celine Farach早前為Fashion Walk時尚生活區域Kingston拍攝了一段甜蜜的男友視角短片，片中的她在鏡頭面前試穿新衣，又牽着「男友」的手行街及餵食甜品，打情罵俏。
Celine激讚拍攝新奇又好玩，只花兩小時到十個場內地方拍攝：「之前見過網民製作第一身視角短片，已經覺得好有趣，我本身係模特兒同歌手，今次短片算係演技上嘅新嘗試。為咗等觀眾有更強代入感，我都放開懷抱，展示我面對男友時嘅俏皮、溫柔同愛撒嬌嘅一面，平常只有好親近嘅人先見到！」
