周慧敏谷胸宮廷裝領「峰」騷
周慧敏在紅館舉行的一連四場《一萬天荒愛未老．周慧敏30週年演唱會》昨晚揭幕，準時八時半開騷，巨型屏幕徐徐打開，她化身天使站在吊起的迷你舞台登場。周慧敏開心地說：「好開心大家嚟呢度同我過呢個30年，我有7年冇喺紅館開騷。」聽到觀眾勁嗌，她大讚：「大家仲好嗌得，寶刀未老！」她感謝粉絲對她的愛30年仲未變老，對上一次演唱會因超時她未能唱出《痴心換情深》，她即唱番補送給歌迷。
現場又播出她昔日的演出片段，由基仔旁白：「一齊回顧Vivian練成玉女心經嘅過程。」當中以她的經典《感情的分禮》宮廷服MV最哄動，緊接她穿上新版宮廷服出場，雖然有谷胸，但與當年不能相比，唱罷後鞠躬時她用手遮住心口，她笑言宮廷造型是基仔要求，因為是大家的集體回憶，她笑說：「講個小秘密你哋知，當年有粉絲攞呢張相畀我簽名，我都會特登簽個好大個名喺個心口遮住，希望你哋唔好介意，係我個幾傻回憶。」
