帶周志文見家長？劉佩玥：拍多幾年拖先

藝人陳凱琳（Grace）與劉佩玥（Moon）昨日以和服Look出席「一田超市（葵芳）新店開幕典禮」活動。早前被爆幫周志文屋企湊B、成功融入男方家中的Moon，指報道無阻二人聯絡：「有聯絡，我哋朋友嚟，開心嘅！（有機會發展？）呢個世界咩都有可能，我唔會抹殺任何機會，如果有嘅再同大家講。」問到有否帶周志文見家長？她說：「呢樣嘢我媽都有講過，佢話可唔可以唔好亂帶男仔返嚟，因為媽咪連我同細佬個名都成日撈亂，咁不如等我發展耐啲，拍咗幾年拖先帶啦，費事咁多男仔名，誤會我帶好多男仔返屋企。（媽咪點睇周志文？）佢哋好似見過，有次喺中環成班人一齊玩，阿媽好鍾意踩場！」