鄭融戀花男友識做

歌手鄭融昨日到電台接受訪問，透露最近新興趣是學插花：「我有去上花藝班，我覺得整花嘅過程好治愈，我好Enjoy個過程。」她指自己不是個三分鐘熱度的人，不太容易找到興趣：「要真係好鍾意先會去做，我都好鍾意花o架，所以男朋友都會送花畀我。老師教如果想多練習呢，插完一個作品可以拆咗佢再由頭插過，啲花可以一直再用。（叫男朋友送多啲花？）係囉，送多啲，唔同季節送啲唔同種類，可以畀我喺屋企練習。」