克勤東京遇大雪應景唱情歌
歌手李克勤與太太盧淑儀放下兩個寶貝仔到東京旅遊過二人世界，竟遇上當地難得一遇的大風雪，克勤更雪中作樂，形容短短3小時瞬間令東京變北海道雪景，並多次拍片扮新聞報道員街頭直擊，又在雪花紛飛下唱着《飛花》來應景。
月初在樂壇頒獎禮成為「獎王」的克勤，終於可以放假充電，與太太盧淑儀飛到日本東京旅遊Shopping，此行卻遇上罕見大風雪，東京當局發出大雪警報，逾250個航班需要取消，影響數以萬計旅客，大雪亦令鐵路服務受阻。不過，看來未有影響克勤心情，見他和太太在落雪下的東京街頭拍片留念，片中克勤表現興奮地說：「真係好誇張，似去咗北海道。」因街道布滿白雪，連身旁太太都忍不住說：「好誇張，但靚到呢！」而另一條片克勤還淋着雪唱着《飛花》：「綿綿頭上飛花，散聚了無牽掛……咁大雪仲影，都係走嘞！」
掃貨前後兩個世界
仍身在東京的克勤接受本報訪問：「我哋OK嘅，只不過就四年一遇嘅大雪，唔可以周圍去，因為突然之間所有地方都落大雪，既冇的士，一啲公共交通工具亦受阻，我冇乜大影響，咪早啲返酒店。」他稱去過日本幾十次，從未遇過這情況，令他感覺好笑是：「我入咗百貨公司買嘢買咗三個鐘頭出嚟，入去前出面仲係風和日麗嘅，即係地下、車路都冇雪嘅，但係買完嘢出嚟，就好似變咗去北海道咁，係一個我冇試過嘅體驗嚟。」
克勤形容今次是一個難忘經驗，他說：「我去到一個食飯嘅地方，餐廳嗰個人劈頭第一句就話你哋有冇車走呀，如果冇車走你哋就要擔心，因為冇的士，咁啱我哋有日本司機咁就OK嘅，其他嘢冇乜大問題，航班上可能麻煩啲，但我又唔係聽日走，所以對我哋影響就不大，只係個司機要小心揸車。」
馬德鐘一家浸溫泉有阻滯
另外，馬德鐘夫婦和兒子馬在驤亦身在日本，馬太張筱蘭在社交網說：「昨天才是陽光普照，今天就經歷東京2018年第一暴雪，積雪已多達20厘米！天有不測風雲，人有旦夕禍福！人生以無常為常！」張筱蘭回覆本報表示原本自駕遊去浸溫泉，但最後訂的車都因大雪取消：「真係好誇張，好多車都死火，道路封閉，全部舖頭都提早關門，好多3、4點已準備收舖。」
文：音樂組