「減少山頭」論羅家英嫌汪明荃唔夠激
藝人羅家英、麥長青及郭思琳等前晚出席電影煞科宴，對於汪明荃於無綫頒獎禮發表「減少山頭」言論，身為老公的羅家英卻嫌太太未夠激進，他說：「直播唔Cut得，佢講得太斯文，其實可以鬧，希望TVB好好聽佢講，佢50年有咩未睇到，錯處太多，應該Cut咗啲山頭，演員可以休息多啲，人工唔好咁少，請多幾個人返嚟做，否則啲人走晒，依家幾多人去內地撈。」
問到汪明荃平日可有呻公司的山頭文化？羅家英說：「咪話啲人周圍去拜囉，TVB好多寨主同王，嗰啲係賊頭，佢哋替天行動，好講義氣嘅，為公司之餘亦為自己，最慘就係演員。」
