趁老花前開騷 Shine有Mood就剝衫

組合Shine昨日到電台宣傳新歌《老花前必做10件事》，二人不約而同表示趁老花前最想去不同地方旅行，成員黃又南說：「最想係去睇極光，但要搞掂演唱會先。」而成員徐天佑則附和道：「我哋今次搞四面台演唱會，都係老花前必做嘅事！」二人現正為三月的紅館演唱會密鑼緊鼓排舞當中，更透露個騷超過一半都是熱舞，認真搏命！天佑笑說：「個排舞師見我哋跳到，就愈加愈多嘢，仲叫我哋打側手翻，所以依家要加緊操弗自己，驚唔夠氣。（準備好除衫？)睇氣氛，有Mood就會！」