貝安琪想演喜劇未婚夫御准露肉

中德混血兒貝安琪（Ankie）為東網巨星節目「海馬牌床褥特約」《閨蜜睡房》擔任新一輯嘉賓，接受主持李惠儀（Kiwi）訪問，Ankie跟外籍未婚夫Simon育有1歲大的囝囝，全面復工的她希望接拍更多電影：「好多角色都想試，我特別鍾意喜劇，雖然動作戲都鍾意，但有咗囝囝之後會小心啲，因為唔想受傷。（性感演出呢？）都OK嘅，Simon會鍾意，因為佢好鍾意睇戲，佢大學都有讀電影攝影，對電影好有興趣。」

親子瑜伽被掹頭髮

講到Ankie的身形比產前還弗，一直有做瑜伽的她笑說：「冇Keep，湊仔仲食好多嘢，因為佢好重，要成日抱佢，又要跑來跑去，我仲會同囝囝一齊做瑜伽，不過佢成日掹我啲頭髮，我依家都要開始教佢唔可以咁做。」談及與未婚夫的相處之道，Ankie指兩人想法相似，喜歡溝通及一起解決問題，亦會盡量在事業與家庭間取得平衡：「每個周末，我哋一定要有家庭樂。」

貝安琪同Simon每個周末，都會與囝囝享受家庭樂。	貝安琪向Kiwi分享親子樂事。	貝安琪自爆未婚夫鍾意佢性感演出！

外國沙灘行禮

Ankie跟Simon已計劃今年5月正式註冊結婚，Ankie的夢想婚禮是在沙灘舉行，但她笑言不會穿比堅尼。不過媽媽劉香萍思想中國化，希望她擺酒宴客，所以計劃在外國沙灘行禮後，再返港補擺喜酒。Ankie笑言目前她有兩個男人，又大爆每晚與未婚夫都有必做的事，想知道就記得本周五、六、日留意東網巨星的《閨蜜睡房》！

文：音樂組