黃長興開分店喜事打孖嚟
藝人黃長興位於尖沙咀的新餐廳昨日開幕，一班好友包括林子善、曹永廉、蕭正楠、雷頌德、李亞男及胞弟黃長發均來撐場，長興今次可謂雙喜臨門，眾人在現場見證他簽約為廚具代言人。
長興受訪時指今次是第二間舖，總投資額達300萬，與其餘三個拍檔攤分支出。提到做廚具代言人，他即透露廣告商贊助他餐廳全場廚具及餐具，又笑說：「所以我都想做埋裝修、枱枱櫈櫈、室內設計代言，但始終都係要做好自己先。」更期望吸引到內地投資者將餐廳引進神州。
至於經營冰室的林子善笑指不怕對方搶生意，之後更打算「掃場」：「係掃晒佢啲食物，做晒佢嘅生意，佢又嚟掃晒我生意！」曹永廉就指自己已執晒所有茶餐廳，不打算東山再起：「袋住啲錢先，都有其他生意嘅。」
