任達華甘願做兵挽鞋

藝人任達華與太太琦琦昨晚出席品牌活動，提到曾志偉召開記者會轟性侵報道不實，任達華表示相信志偉：「佢好尊重女性，無論男女、新人、舊人、紅唔紅，佢都好樂意幫朋友，我冇睇其他，所以唔講，總之我認識佢係好人。」他又表示每次與琦琦去旅行都是帶兩個行李箱去，八個行李箱回來，並大爆琦琦試過買40對鞋：「挽到我呢！當時仲未結婚！（做觀音兵？）婚前婚後都拎篋，我願意做觀音兵，拎雙數兩隻手平衡啲！」另外，他主演的英皇賀歲片《我的情敵女婿》推出預告片，片中見他被蛋糕「質」面，新片有多達80位客串藝人，包括容祖兒、謝賢及李家鼎等。